Eskolaz kanpoko ekintzek ikaslearen prestakuntza osoa sustatzen laguntzen dute, adimena eta kultur ezagutza zabaltze aldera, garapen fisikoa bideratzeko kirol jarduera osasungarriak praktikatuz, edo aisialdiaren erabilera egokia bultzatuz.
Gure Hezkuntza Proiektuak zehazten du eskolaz kanpoko ekintzak arlo garrantzitsua direla, kudeaketa, pedagogia eta partaidetzarekin batera, eta gure Ikastolaren irizpide nagusiekin bat eginda, honako helburu orokorrak erdiesteko.
Helburuak:
- Euskararen erabilpena sustatu komunikaziorako hizkuntza bizia den aldetik.
- Euskal kultura eta haren baloreak hedatu.
- Ikasleen prestakuntza osoa bultzatu, adimena eta kultur ezagupenak zabaltze aldera.
- Kirola eta aisialdia modu atsegin eta ludikoan indartu.
- Gure ikasleen garapen fisikorako osasungarriak diren kirol jarduerak praktikatu.
- Denbora librea modu egokian erabiltzen irakatsi aisialdi-ekintzen bidez.
- Ikastolaren irudia eta bere jarduerak ingurunean eta kanpoan ezagutarazi.
- Jai, kultur eta kirol ekintzen bitartez, Ikastola eratzen dugun estamentu guztien partaidetza sustatu: gurasoak, irakasleak, zerbitzuetako langileak eta ikasleak.
ARDURADUNA
- Iker Uribarren
Iker Uribarren
- 94 470 14 88
- i.uribarren@urretxindorra.eus
Jar zaitez gurekin harremanetan zalantzaren bat izanez gero, bete formularioa:
ISTRIPUEN ASEGURUA
Istripu-Aseguruak eskolako ordutegi barruan edo eskolaz kanpoko ekintzetan izan diren istripuak soilik babestuko ditu. Eskola ordutegian zerbait gertatuz gero, Aseguru-Etxeak mediku bat bidaliko du ikastolara ikaslea artatzeko. Behin ikaslea etxeratuta Ikastolan izandako lesioren bat badu eta urgentzietara joateko premia egonez gero gurasoek Zorrozaurreko IMQra eraman beharko dute. Familiak Zorrozako IMQra ikaslea eramaten ez badu aseguruak ez du bere gain ardurarik hartuko.
Kontratatutako mediku zerbitzuak horrela aginduta, edozein ospitaletara trasladoren bat egiteko ikaslea lagunduta joan beharko da. Hori dela eta familien laguntza eskatuko dugu.
